Saturday, March 07, 2009

في مثل هذا اليوم

لتتذكر البشريه هذا التاريخ جيدا
أنه في يوم السبت
الموافق
28-2-2008
قمت أنا بحضور
يوم دراسي كامل
في كلية الحقوق جامعة الأسكندريه
من الساعه الثانيه والنصف ظهرا
وحتي الساعه التاسعه والنصف مساءا
وهي السابقه الأوله من نوعها
منذ تاريخ ألتحاقي بالجامعه
أي منذ سبع سنوات
والله ولي التوفيق
محدثكم أنا

Friday, August 08, 2008

أنا جيييييت

أنا أشك ،إذن أنا دبوس

Wednesday, October 11, 2006

رمضان من جديد

مش عارفة ليه دايما موضوع الكتابة ده بيبقى تقيل أوى على قلبى، رغم إنى جيه عليا يوم وفكرت انى أكون كاتبة (ده قبل ما أتعرف علىالسيد الفاضل الأستاذ حاسوب أو الكومبيوتر) وقتها كنت بقضى وقت فراغى فى القراءة وكتابة القصص القصيرة لكن دلوقت بقى كل فين وفين لما أفكر أكتب حاجة .
حتى لما محمد أقنعنى أعمل بلوج قال لى حيساعدك علشان تكتبى لكن مافيش فايدة!! النتيجة واحدة وهى أنى ماكتبتش الا مرتين ثلاتة بس ودى نتيجة مش مشجعة على الاطلاق.
لكن لما جه رمضان تانى وأنا كتبت بوست واحدة رمضان اللى فات قلت يبقى لازم اعمل بوست كل رمضان من كل سنة إن شاء الله لو عشت وكان لى عُمْر ( مش عُمَر) واكتب لو حصل أى تغيير فى حياتى خلال الفترة من رمضان إلى رمضان الذى يليه.
رمضان ده مختلف جدا والحمد لله ، رمضان فى الصيف رائع جداً مافيش تكتكة فى السرير من البرد الواحد بيصلى وهو فى كامل نشاطه بس المشكلة المعتادة إن اليوم بيعدى بسرعة كأننا احنا عايزين رمضان يقعد معانا وهو ضيف خفيف عايز يمشى بسرعة،وفيه مشكلة تانية وهى إن البنات الحلوين ربنا يا..... ولا بلاش مش واخدين بالهم إن رمضان جه خلاص فبالتالى الهدوم زى ماهى نفس الهلاهيل المقطعة والمكرمشة واللى ماتسترش حاجة وعجى؟؟؟!!!!
التغيير بتاع رمضان ده هو أنه الحمد لله السنة دى أول سنة ماتفرجش على التليفزيون، أنا حزينة لأن ماعملتش كده من زمان بس الحمد لله على كل حال ، مش عارفة ليه الواحد دايما لا يدرك الحقيقة إلا فى وقت متأخر والحقيقة إن فى مؤامرة محبوكة لمنع الناس من الصلاة والصيام الحق والتفرغ لعبادة الله خلال هذا الشهر الكريم ، الظاهر فين ناس خايفة أحسن المسلمين يصوموا صح ويعبدوا الله بحق فى رمضان ويدعوا ربنا من قلوبهم فتتم الاستجابة "يا رب" قولوا آمين.
السنة دى كمان تحققت لى أمنية غالية وهى الاستماح لحديث إمام مسجد نور الإسلام الدكنور " أحمد حطيبة " فالطالما حدثنى اخى هريرة عنه وعن حديثه الرائع بعد صلاة العصر فى رمضان ولأنى لا أستطيع النزول إلى المسجد فى ذلك الوقت فلم أتمكت أبداً من سماعه ، ولكن هذا العام والحمد لله بدأ موقع طريق السلف فى بث خطب الجمعة والدروس والأحاديث للإمام " أحمد" حفظه الله وأثابه على عمله الرائع والحق إن كلامه جميل ومبسط وله حديث بعد صلاتى الفجر والعصر وأنا أداوم على الاستماع له، ولمن يريد الاستماع له ولمجموعة أخرى من الدعلة فهذه هى مواقع البث.
موقع طريق السلف
موقع البث الإسلامى

رمضان كمان بيجى معايا بأمنية واحدة هى غريبة شوية بس لها سبب جوهرىوهى انى نفسى أقضيه لوحدى بعيداً عن الناس اللى هما أمى وأبى وأخوتى ، نفسى أحضر الأكل وقت ما انا عايزه مش أحضره قبل المدفع بساعة بحالها ، نفسى أقضيه من غير ماأعمل كنافة وقطايف لأنى زهقت من عمايلهم كل شوية ، نفسى أقضيه من غير كحك وبسكويت وبيتيفور وغريبة واللى الست الوالدة بتصمم تعملهم كل سنة وإما أشتغل معاها يا إما تصب عليا جام غضبها وكأنى أذنبت فى حق الأمة الإسلامية بكاملها!!!! بجد الناس دى بترهق نفسها فى عمايل الأكل فى شهر المفروض إنك ترهق نفسك فيه عبادة بس وتقضى وقتك بجانبك عملك فى التقرب إلى الله مش تقضى وقت فى التقرب لعجينة البسكويت والكحك.
على كل رمضان كريم وربنا يعطينا القدرة على قيام ليلة القدر ويجعلنا من عتقاء الله فيها يا رب... اللهم آمين.

Saturday, July 22, 2006

gento

Introduction

The latest "stable" nvidia drivers in portage is still 1.0-6629; this is pathetic. Not only do these old drivers lack support for newer cards, they also have known issues with udev & new (2.6.13+) kernels. This guide will show you how to get the latest "testing" (~keyword) drivers which fix both of these issues and more.

This is now out of date as the Nvidia Drivers packages have been combined into one ebuild which is now known as x11-drivers/nvidia-drivers and it is currently masked as testing but is the latest version in Portage Admiral Trigger Happy 02:45, 21 July 2006 (UTC)

Unmasking

In addition to nvidia-kernel & nvidia-glx, we will also need to unmask eselect & eselect-opengl. eselect-opengl is the new replacement for the old opengl-update which is needed for newer nvidia-kernel versions. There are 2 easy ways to do this:

By Hand

Old Versions: To unmask these packages, add these lines to /etc/portage/package.keywords with your favorite text editor:

media-video/nvidia-kernel media-video/nvidia-glx

New Version: Unmask my adding the following line to /etc/portage/package.keywords (Make sure to change ARCH to x86, or your relavant arch:

x11-drivers/nvidia-drivers ~ARCH

With a One-liner Script

This simple script will add the 4 unmask lines just like the "By Hand" method above:

echo -e "media-video/nvidia-kernel\nmedia-video/nvidia-glx" >> /etc/portage/package.keywords

Emerging

Run emerge -av nvidia-glx and confirm that it is now going to install the latest version. If so, say yes! If not, you screwed up.

Finishing up

If you are just upgrading from an old version and already had the old module loaded, you will need to unload & reload the kernel module before trying to startx:

rmmod nvidia && modprobe nvidia

And that should do it.




http://gentoo-wiki.com/HOWTO_Unmask_Nvidia_Drivers#With_a_One-liner_Script

Sunday, October 23, 2005

هاهاهاهاهاهاهاها هيهيهيهيهيهيهيهيهي نياههاهانياههاها

شغلتها !!!!! والله شغلتها

أيوه شغلتها ، إزاى ماعرفش ! بس شغلتها بعد يومين من تشغيل كل حاجة ممكن تشغيلها وأهى أخيراً شغالة تـمــــــــام
ده بس أقول إيه واحد قريبى ربنا يخ... قصدى ربنا يخليهولنا يا رب هو ده انا خلاص كنت اتجننت، وآخر برج فى عقلى طار ومن سلاكوير لفيدورا كور 4 يا قلبى لا تحزن أنا كان مالى والهماللى أشار على باقتحام عالم اﻷوبن سورس وكل ما أنزل توزيعة يبلينى بواحدة أنقح منها لما خلاص أنا تهت وصبحت مافيش

وآخر توصية من توصياته العبقرية كانت تنزيل الفيدورا بعد سنة من الشغل اللذيذ مع السلاك قررت أجرب وعينك ما تشوف الا النور اتهفيت فى عقلى ودخلت حملت شوية كتب معظمها سى إتش إم، وماله !!! الزبون قالى البرنامج بتاع ملفات السى إتش إم بينزل تلقائى مع الفيدورا. أدور على البرنامج مافيش برنامج أجرب اليم اللى خنقنى بالكلام عن جماله وفعاليته مش راضى يجيب حاجة وهكذا قضيت يومين أسود من قرن الخروب أدور على حاجة تشغل السى إتش إم وأحمل فى آر بى إمز، ويا خرابييييييييييي كل دى ليبات البرامج محتاجها ده أنا كنت فى خلاص قربت أغرق فى مستنقع الليبز وبعد تحميل التالى
  • xchm
  • gnochm
  • kchm
  • kchmviewer
وبعد مشاهدة الكثير من رسائل الخطأ الغير مفهومة مثل التى تطلب مكتبة للأكس 11 يا نهار يا نهار ده كله إلا اﻷكس أنا ما بحبش أزعله أبدأ وأول ما بيضرب بشيل اللينكس كله ولو طولت بأيدى اللى برمجوه وعملوه حادعوهم إلى وليمة وأعملهم مذبحة القلعة 2005 زى أنكل محمد على ما عمل فى المقاطيع المماليك. كنت خلاص فقدت اﻷمل وبعدين وأنا بدور لقيت آر بى أم للبرنامج التالت بس كانت بتاعة ريد هات انتربرايس قلت فى بالى ، لا مش حاينفع برضه أكيد فى اختلاف ولو بسيط بينه وبين الفيدورا قامت اﻷنا العليا ردت عليا وقالت لى ما تجربى يا ضنايا وأنت خاسرانا حاجة؟
وإذا فجأة باشغل البرنامج بيأس لقيته اشتغل .... آه والله اشتغل وعقبال الجميع عشت وشفت السى إتش إم على الفيدورا كور 4 ويا رب يدينى طولة العمر وأعرف أشوف الحاجات كلها شغالة على المحروس اللينكس


ودى كانت نهاية بديعة مصابنى" على رأى واحدة صاحبتى قوى "

Thursday, October 20, 2005

هييييييييييييييييييه !!!!! المايه جت بعد طول انقطاع


ايه ؟ عادى..... احنا فى مصر والجو رمضان والناس عايزة تتوضا علشان تصلى وأخوانا البعدا مش عايزين الناس تصلى يقوموا يعملوا مؤمراة ويقطعوا الميه من باكوس
الميه مقطوعة من الساعة 7 صباحاُ وفضلت مقطوعة لغاية الساعة 7:30 مساء، ولإنى ما كنتش عارفة أكتب ايه فى أول بوست ما صدقت إن المايه جت وخرجت من حالة الغم اللى كنت فيها وقررت أشارك صفحات الويب مأساتى مع المياه المقطوعة .وبمناسبة هذه المأساة الخاصة أوجه نداء لكل الستات السنيات اللى بيسيبوا الحنفيات مفتوحة اقفلوها بقى